Wednesday, July 30, 2008

கெவின் பீட்டர்சனின் இரண்டாவது பிரளயம்

"என்ன டென்ஷனை ரிலாக்ஸ் பண்ண கிரிக்கெட் ஆட வந்துட்டியா?" என்றான் ராவணன். அவனது அப்பா ஒரு தீக்கா.

கேமைப் பாஸ் செய்துவிட்டுத் திரும்பினான் சிவா.

"ஆமாண்டா! கௌன்சில் டைரக்டர் விஷ்ணு புராஜெக்ட் ஆர்க்-குக்கு எதிர்ப்பா இருக்காருன்னு தெரியும். ஆனா அதை ஸ்க்ராப் பண்ண ரெக்கமன்ட் பண்ணுற அளவுக்கு போவாருன்னு எதிர்பார்க்கலை."

"என்ன காரணம் சொல்லுறாங்க?"

"இன்னும் நடைமுறைக்கே வராத ரூல்ஸ் எல்லாம் பேசறாங்க. எதிக்ஸ் நிர்ணயக் கமிட்டீ இன்னும் அன்-எதிகல் இன்ட்ரூஷன்ஸ் பத்தி முடிவே எடுக்கலை. ஆனா புராஜெக்ட் ஆர்க் அன்-எதிகல் இன்ட்ரூஷனை சப்போர்ட் பண்ணுதுன்னு ஆர்க்யு பண்ணறார். அது எதிகல் இன்ட்ரூஷன்ஸ் பாலிசி டிசைட் பண்ணதுக்கு அப்புறம் எடுக்க வேண்டிய முடிவு. அந்த பாலிசி இன்னும் குறைந்தது 10 வருஷத்துக்கு முடிவாகாது. அதற்கு மேலேயும் ஆகலாம்."

"ஆமாம்... அவரும் கப்பலோட்டியும் சேர்ந்து இந்த மாதிரி புராஜெக்ட் எதையுமே விடமாட்டேங்குறாங்க" - கப்பலோட்டி விஷ்ணுவுக்கு நேர் கீழ் வேலை செய்யும் ஒரு விஞ்ஞானியின் காரணப் பெயர். "சரி. சீக்கிரம் ஆட்டையை முடிச்சுட்டு வீட்டுக்குப்போ. இந்த மாதிரி கிரிக்கெட்டே ஆடிக்கிட்டு இருந்தா பரமு நோட்டீஸ் அனுப்பிடுவா."

"இன்னியோட டென்ஷனெல்லாம் ஒழிஞ்சது. நோ புராஜக்ட் ஆர்க் - நோ டென்ஷன். இன்னிக்குதான் லாஸ்ட் கேம். இங்கிலாந்தை மட்டும்தான் வின் பண்ண வேண்டியது பாக்கி. முடியவே இல்லை. இன்னிக்கு முடிஞ்சதுன்னா முடிஞ்சது. இன்னும் நாலு ஓவர்தான். தே ஆர் சேசிங்."

"ஒக்கேடா. நான் கெளம்புறேன். நீ இந்த பழைய வெர்ஷன் கேமையே கட்டிக்கிட்டு அழு."

ராவணன் கிளம்பிவிட்டான்.

தானியங்கிக் கதவு தானாக மூடிக்கொள்ளுமுன் சிவா திரும்பி கேட்டான் - "ஏண்டா, இந்த கெவின் பீட்டர்சன் கொஞ்ச நாளாத்தானே ஸ்விட்ச் ஹிட் அடிக்கிறான்? "

ராவணன் போய் விட்டான்.
----------------------------------------------------------------------------------------------------------------------------------------------------------------
"என்ன சிவா, நீதான் பேட்டிங்கா?" கேட்டுக்கொண்டே நுழைந்தான் ராவணன்.

"ஆமாம், இங்கிலாந்து."

"ஏன் நிறுத்தி வச்சுருக்க?"

"நான் நிறுத்தலை. அந்த சிவா ஏதோ இண்டரப்ட் கொடுத்திருக்கான்."

"அதையும் ஏன்னு பாக்க வேண்டியதுதானே?"

"தட் இஸ் அன்-எதிகல்"

"நீ இப்போ பண்ணுவது மட்டும் எதிகலா?"

"இல்லை. அதைப் பண்ணினேன்னா ஈசியா மாட்டிக்குவேன். அன்-எதிகல் இன்ட்ரூஷனை முடிவு பண்ணாலும், அவங்க இன்னும் பாரல்லல் யுனிவர்ஸ் இல்லைன்னு கன்பர்ம் பண்ணலை. அதுவரை இதெல்லாம் இன்ட்ரூஷன் செக் அப்படின்னு சொல்லி தப்பிச்சுக்கலாம்."

"நீ இன்னும் அவங்க சிமிலர் யுனிவர்சுங்கறதை ரிப்போர்ட் பண்ணலையா?"

"இல்லை. இன்னும் சில ஆட்டங்கள் பாக்கி இருக்கு. அவங்க இது வரை ஒரு பிரளயம் மட்டுமே சந்திச்சு இருக்காங்க. நாம ரெண்டு. அவங்க மூலமா நமது இரண்டாவது பிரளயத்துக்கு முன்பான யுனிவர்சை ஸ்டடி பண்ண போறேன்."

"பட், அவங்க சிமிலர் யுனிவர்ஸ் தானே; பாரல்லல் யுனிவர்ஸ் கிடையாதே. நம்ம மாதிரியே எவால்வ் ஆகலையே?"

"ஆமாம், ஆனா கொஞ்சம் கண்ட்ரோல் பண்ணி நமக்கு ரிசோர்ஸ் சப்ளையரா மாத்தலாமான்னு பாக்கறேன். ஒரு கல்லுல பல மாங்காய்."

"டேய் சிவா, இது இன்னொரு பிரளயத்திலதான் போய் முடியும்."

சிவா சிரித்தான்.

"என்னமோ போ. அங்க பாரு - அவன் திரும்ப ஆட ஆரம்பிச்சுட்டான்."

சிவா திரும்பி சரியான லைன் அண்ட் லெங்க்த்-தில் வந்த பாலை ஸ்விட்ச் ஹிட் அடித்து சிக்சர் ஆக்கினான்.

"டேய் சிவா, இது தப்பு. வேற என்ன வேண்டுமானாலும் பண்ணு. ஆனா, அந்த சிவாவுக்கு நம்ம யுனிவர்ஸ் பத்தி க்ளு கொடுக்காத. நீ அவன் கன்ஸோலைக் கண்ட்ரோல் பண்றது அவனுக்குத் தெரிஞ்சா முடிஞ்சது. இந்த ஸ்டைல்ல பீட்டர்சன் இப்பதான் ஆடுறான். நீ ரெண்டு வருஷத்துக்கு முன்ன வந்த கேமுல இத யூஸ் பண்ணுற. அவனும் நீதான்."

"அவனை இந்த முறையும் ஜெயிக்க விடமாட்டேன். என்னோட பேசிக்கிட்டு இருக்கறதா விட்டுட்டு உன்னோட ராவணன் என்ன பண்ணுறான்னு பாரு. போ!."

"நாசமாப் போ. நாளைக்கு கமிட்டீல எதுவும் பிரச்னைன்னா நான் கூட நிக்க மாட்டேன். நீ இந்த மாதிரி இருக்கறதாலதான் பரமு கூட உன்னை விட்டுப் போய்ட்டா!".
-------------------------------------------------------------------------------------------------------------------------------------------------------
"இல்ல ராவி. ரெண்டாவது சிவா பண்ணுறது தப்பு. அவன் மொதல்ல இன்னொரு யுனிவர்ச இன்ட்ரூட் பண்ணுறது தப்பு. ரெண்டாவது க்ளு கொடுக்கறது"

"ஆனா அவங்க ரூல்ஸ் அவனுக்கு சாதகமாத்தானே இருக்கு."

"இந்த மாதிரி பேசிப் பேசித்தான் நாம ஏகப்பட்ட பிரளயங்களை சந்திச்சாச்சு. நம்மோட எத்தனைப் பிரளயங்களுக்கு இந்த மாதிரி யுனிவர்ஸ் இன்ட்ரூஷன்ஸ் காரணமா இருந்திருக்கு."

"என்ன பண்ண போற?"

"ரெண்டு பேர்ல யாராவது ஒருத்தரை டெர்மினெட் பண்ணப் போறேன்."

"யாரை?" என்றான் ராவணன்.

"மீதி இருக்கும் ரெண்டு ஓவர் முடியட்டும். யார் தோக்குறானோ அவனை."
------------------------------------------------------------------------------------------------------------------------------------------------------------
இங்கிலாந்து இன்னும் மூன்று பந்துகளில் 8 ரன்கள் எடுக்க வேண்டும். அகர்கர் பௌலிங். சிவா கேமைப் பாஸ் செய்து விட்டு சிணுங்கிய செல்லை எடுத்தான்.
"தோ கெளம்பிட்டேன் பரமு. இன்னும் மூணே பால்தான். இதுதான் வாழ்க்கையில ஆடுற கடைசி கேம்."
விஷ்ணு தனது மானிட்டரில் இருந்து தலையைத் திருப்பி சொன்னார் - "நோவா - சிவாவோட கன்ஸோலை ஹாங் பண்ணு."
---------------------------------------------------------------------------------------------------------------------------------------------------------------

5 comments:

அதிஷா said...

;-)

நல்ல கதைங்க , கொஞ்சம் ஓவர் டெக்னிக்கலா இருந்தாலும்,

கதை அப்புறம் கான்செப்ட் ரெண்டுமே சூப்பர்ங்க

செல்வ கருப்பையா said...

நன்றி அதிஷா!

சிறில் அலெக்ஸ் said...

ம்ம்ம்ம். ஒரு வாசிப்பில் முழுசா புரியல. கன்சோல் வழியா கொஞ்சம் மூளையில ஏத்தச் சொல்லிடுங்க. :)

செல்வ கருப்பையா said...

எந்த சிறில் அலெக்ஸ்-ங்க பேசறது? நம்ம யுனிவெர்ஸ்-ஆ?

அது சரி said...

யப்பா.... யார வேணும்னாலும் டெர்மினேட் பண்ணுங்க சாமீய். நம்ம மானிட்டர் டெர்மினல விட்ருங்க!

(ரொம்ப வித்தியாசமா எழுதியிருக்கீங்க!)