தாழிகள் செய்பவன்

காசி ஒரு வழியாகச் செத்து விட்டான்.

பொதங் கெழமையாடே என

வட்டிக்குப் பணங் கொடுக்கையில்

வாத்தியார் அலுத்துக் கொண்டார்.

கொழுந்தியா மவச் சடங்கில் இருப்பதாகவும்

மறுநாள் வந்துவிடுவதாகவும் வீயேவோ சொன்னார்.

இன்னும் சில பேர் வெளியில் ஒன்றும் சொல்லவில்லை.

தப்படிக்கிறவனையும் உருமி அடிக்கிறவனையும் தவிர

ஊரே காசி மவனைக் கரித்துக் கொண்டிருந்தது.

அதுவரை எங்களூரில்

தொண்டுக் கெழங்கள் எல்லாம்

ஏதோ ஒரு விடுமுறை நாளில்தான்

நல்லெண்ணெய் சொட்டச் சொட்ட

இறந்து கொண்டிருந்தார்கள்.